Unam Neudamm Inligtingsdag
Wednesday, April 9, 2014

Op die 9de April 2014 het die Bonsmara Genootskap van Namibië `n inligtingsdag aangebied op die plaas Claratal van die Freyer familie.

Die dag is ge-open deur Christo Strydom, ingelei deur Heiko Freyer, en gefasiliteer deur Charl van Rooyen van die Bonsmara SA Akademie. Die dag is bygewoon deur landboustudente sowel as hul dosente. Hierdie geleentheid word aangebeid om senior studente ‘n geleentheid te gee om dit wat hulle geleer het, in die praktyk toe te pas en te sien hoe wetenskaplike beesboerdery in die praktyk lyk.

Heiko Freyer het die studente vertel van die ontstaan van Clarat al en die proewe wat deur sy vader begin is, onder andere op die Bonsmara-ras. Daar is ook breedvoerig gepraat oor bestuur en algehele werking van die sisteme van die Bonsmararas.

Die hoofspreker en kursusleier was Charl van Rooyen,`n ou legende en beeskenner. Hy het die studente en dosente vermaak met sy interessante manier van klasgee, wat groot aanklank gevind het. Daar het breedvoerige besprekings plaasgevind oor hoekom die Bonsmararas so ‘n ideale ras in Namibië is en so groot aanklank vind in die geheel. Daar is ook gepraat oor die ekonomiese sy van beesboerdery en watter groot rol vleis in die totale ketting van die ekonomie gaan speel om te voorsien aan die groeiende bevolking in die RSA en Namibië.

Die opgraderingstelsel van die ontstaan van die Bonsmararas deur Prof. Bonsma op die proefstasie Mara en die redes hoekom die afsonderlike begin-rasse gebruik is, wat deel uitmaak van die Bonsmara, het baie vrae uitgelok onder die studente. Insiggewende besprekings het tot tevredenheid van almal gelei.

Die praktiese bespreking van die diere op die plaas Claradal is behartig deur die plaaseienaar sowel as senior Bonsmara persone, en daar is baie klem gelê op die ideale raamgrootte sowel as die diere wat ekonomiese waarde toevoeg. Alle praktiese besprekings is gestaaf deur volledige syfers en inligting wat beskikbaar is – ‘n vereiste vir alle Bonsmarastoetdiere.

Na die praktiese bespreking het die studente sowel as die lektore `n skriftelike toets afgelê wat later gepaard gaan met `n sertifikaat wat aan alle betrokkenes oorhandig sal word.

Mnr Freyer het `n braai aangebied vir die Neudamm -studente wat baie geniet is, net soos studente kan. Daar is twee en tot soveel as drie keer by die kospotte verbygegaan en almal het gelag en gesels en net die samesyn geniet.

Wat vir die teenwoordige bestaande telers en lede van die bestuur van die Bonsmara- genootskap baie opvallend was, was die manier hoe die studente, honger vir inligting, alles opgeraap het wat aan hulle deurgegee is.. Dit was verder ‘n riem onder die hart om so ‘n mooi groep goed opgevoede studente te sien wat die landboubelange van ons land in hul harte dra. Wat ‘n vertroosting om die versekering te kry dat die toekomstige landbou van Namibië in goeie hande is.

Recent News

Bonsmara Namibia Fees Dinee
Published in Agriforum
Monday, 14 November 2016

This year the Bonsmara Cattle Breeders Association is 40 years old. This article published in the Agriforum looks at our past and the present of the Associaton. To keep updated with the future, check our website regularly!

Gobabis Farmer's day
Thursday, 18 August 2016

The guestspeakers from left to right: Fouchè Brand (Capricorn Asset Management) talked about the impact the economy has on the Namibian Farmer, Phillip Oosthuizen (Sernick Bonsmaras) spoke about the precision that goes into rounding off feedlot cattle. Dr Joggie Briedenhann (Hartebeestloop) spoke about weaner weight and how it influences your returns.

 

Published in Agriforum
Thursday, 11 August 2016

Die pas afgelope jaarlikse Bonsmara raspromosie dag is met groot sukses deur die Bonsmara Telers Genootskap van Namibië op 11 Augustus 2016 by die Agra ring in die hoofstad aangebied.